Besnik Berisha garon në zgjedhjet lokale të Luganos

Foto FB

Zvicra po vazhdon të konsiderohet si vendi që pasqyron shembullin më të mirë të integrimit të shqiptarëve nga Kosova dhe avancimit në shumë fusha.

Besnik Berisha nga Prizreni, është kandiduar për këshilltar komunal në Lugano për Partinë Liberale Radikale, në zgjedhjet që do të mbahen më 14 prill, transmeton albinfo.ch.

34 vjeçari, përmes postimeve në rrjetet sociale, ka shkruar se beson tek liria individuale, ekonomike dhe politike si qendër e misionit politik, duke garantuar të drejtat civile dhe lirinë e zgjedhjes.

Berisha ka premtuar se do të angazhohet për të rinjtë që t’iu sigurojë hapësirë dhe mundësi për një të ardhme më të gjallë dhe inovative duke promovuar inovacion teknologjik, ndërmarrës dhe shoqëror.