Bamirësi anonim dhuron tharëse flokësh!

Është bamirës apo humorist – ose të dyja bashkë! Një person anonim u dërgon qytetarëve dhurata të çuditshme me postë. Tharëse flokësh dhe shuma të vogla të hollash (deri në 60 euro) kanë marrë në kutitë e tyre postare një numër qytetarësh të Zelandës së re.

Paketat atyre u vijnë nga Parisi. Veç parave dhe tharëses, rëndom aty është edhe një letër me të cilën dhuruesi u shkruan atyre: “Faleminderit për miqësinë tuaj të vërtetë”.

Kjo dukuri ka filluar të preokupojë edhe policinë e vendit.

Por kush qëndron prapa këtyre dërgesave misterioze dhe përse ai dërgon pikërisht tharëse flokësh? Askush nuk di asgjë. Policia thotë se nuk mund të bëhet fjalë për ndonjë rrjet kriminel që mund të qëndronte prapa këtij aksioni.