Integrimi
Azilkërkuesja Arjeta mëson gjermanisht
Edhe fëmijët që kanë aplikuar për të fituar të drejtën e azilit në Gjermani duhet të shkojnë në shkollë. Derisa pritet të merret një vendim për ta, shqiptarët Arjeta e Adori dhe të tjerët detyrohen të vijojnë kursin e gjuhës gjermane, e pastaj edhe shkollën.
“Raa-dirr-guu-mie“ kështu germëzon Arjeta. Çfarë fjale e gjatë dhe e vështirë! Por Arjeta e bën atë shumë mirë. Buzëqeshjen e mësueses Ute Herzberg e kupton ajo edhe pa e thënë asnjë fjalë. Arjeta nga Kosova është dhjetëvjeçare dhe është më e reja në klasën e mësueses Ute Herzberg në shkollën e mesme në Rödertal të Grossröhrsdorit në Gjermani. Adori, i cili është i ulur prapa saj, është 17-vjeçar.
Gjuha amtare për Arjeten dhe Adorin është shqipja. Arejta, Adori dhe shumica e të tjerëve që janë në klasë banojnë në një palestër të vjetër afër shkollës, e cila tashmë është shndërruar në një strehimore azilkërkuesish, shkruan gazeta “sz-online.de”, transmeton albinfo.ch.
Para tri javësh familjet e refugjatëve nga Shqipëria dhe Kosova janë sjellë këtu. Sa kohë ata do të rrinë dhe sa mund të vijojnë mësimin nuk e di as Arjeta. As mësuesja nuk e ka idenë. Për aq kohë sa do të qëndrojnë, këta fëmijë do të vijojnë kursin dhe të shkojnë në shkollë.
Arsimi, i detyrueshëm për fëmijët e huaj
Në pesë shkolla fillore, pesë të mesme dhe në tri qendrat e arsimit profesional në Bautzen, Kamenz, Hoyerswerda, Bischofswerda, Bernsdorf dhe Großröhrsdorf të Gjermanisë ka shkolla të tilla speciale për fëmijë që vijnë nga shtetet e huaja.
Rreth 170 fëmijë janë në strehimoret e azilit në këto vende, të cilët janë të detyruar për të vijuar shkollën. Numri i saktë i tyre ndryshon çdo ditë. Nganjëherë ndodh që vend i cili ka qenë i zënë më nxënës sot, nesër mbetet i lirë. Kjo pasi që ai nxënës ka mundur të jetë dëbuar gjatë natës për në vendlindjen e tij. Ndoshta kjo do t’ iu ndodhë së shpejti edhe të ardhurve nga Shqipëria dhe Kosova. Edhe ata shumë shpejt mund të kthehen në vendin e tyre. Arjeta dhe të tjerët në klasë nuk dinë asgjë për këtë.
E derisa pritet të merret një vendim për ta, secili më padurim ka dëshirë për ta lexuar detyrën e tij. Nëse njëri prej tyre e thotë mirë detyrën, të tjerët e duartrokasin. Ata kuptohen, nëse është e nevojshme edhe me duar dhe këmbë.
Albinfo.ch
Të ngjashme
Të tjera nga Integrimi
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj