Shqiptarët që ndajnë drejtësinë në Zvicër
Eksperti juridik nga Maqedonia, me botim të ri për shqiptarët në Zvicër
I pavarur që para dy vitesh, me këtë libër ai iu adresohet rreth 250 mijë shqiptarëve që jetojnë në Zvicër
“Zvicra dhe ligjet e saj, shembuj konkretë dhe këshilla praktike”, kështu titullohet libri i destinuar për të ndihmuar popullatën shqiptare, që sa më mirë ta kuptojë sistemin juridik zviceran.
“Helvetizmi dhe federalizmi zviceran janë vështirë për t`u kuptuar, sidomos për personat migrantë, të cilët në Zvicër janë vendosur viteve të fundit, apo edhe më herët”, ka pohuar juristi shqiptar nga Maqedonia, Lirim Begzati, i vendosur që 25 vjet në Kantonin e Neuchatelit, një kuadër kantonal me përvojë në kohezionin multikulturor, transmeton TV “Canal Alpha”, shkruan albinfo.ch.
I pavarur që para dy vjetësh, me këtë libër ai iu adresohet rreth 250 mijë shqiptarëve që jetojnë në Zvicër.
“Mund të flasim për një dimension, i cili flet për aspektin e sistemit juridik të punës. Unë kam evokuar gjithashtu çështjen e vlerës dhe principet e shoqërisë tonë të pranimit. Në shoqërinë tonë aktuale nuk mund të jemi optimistë, në nivelin e kohezionit social të integrimit, nëse nuk i privilegjojmë përparësitë, komunikimet dhe mirëkuptimet”, ka deklaruar Lirimi.
Me një përmbajtje prej 220 faqeve dhe i ndarë në 14 kapituj, në përbërjen e tij, ky libër përfshin disa nga rregullat kryesore dhe aktualitetet e sistemit zviceran të të drejtave dhe detyrimeve, njofton më tej albinfo.ch.
Objektivi i këtij punimi është pra që, nëpërmjet një forme kristalizimi dhe vështrimi përmbledhës, t’i prezantojë dhe analizojë, në gjuhën shqipe, disa nga temat më të rëndësishme juridike, me të cilat, ballafaqohet më së tepërmi, jo vetëm mërgata jonë në Zvicër, po edhe më gjerë.
Ky libër përfshin së paku dy fushëveprime, ku përveç shpalosjes së disa koncepteve teorike, një qasje e veçantë i përkushtohet edhe gërshetimit në mes të rregullave juridike ekzistuese, shembujve konkretë dhe këshillave praktike.
Ky botim pedagogjik e joshkencor mund të blihet për 25 franga te botuesi “Stämpfli” në Staempfliverlag.com në Bern.
Të ngjashme
Të tjera nga Shqiptarët që ndajnë drejtësinë në Zvicër
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa