Lajme
Autobusi nga Shqipëria, 34 orë në rrugë pa bërë pauzë: Dënohet ndërmarrja
Policia vuri re se të katër shoferët e pranishëm nuk kishin marrë periudhën e detyrueshme të pushimi ditor që nga fillimi i udhëtimit, një ditë më parë
Një patrullë e inspektimit të trafikut ka nxjerrë një autobus në Autostradën 67 afër qytetit Darmstadt jashtë qarkullimit dhe e ka ndaluar atë të vazhdojë rrugën.
Kjo ka ndodhur për faktin se shoferët ishin në rrugë për 34 orë pa pushim, shkruan Mannheimer morgen.
Autobusi ishte duke udhëtuar nga Shqipëria për në Dortmund të Gjermanisë kur policët e ndaluan për ta kontrolluar, transmeton albinfo.ch.
Duke bërë verifikimin e orëve të vozitjes dhe kohën e pushimit, policia vuri re se të katër shoferët e pranishëm nuk kishin marrë periudhën e detyrueshme të pushimi ditor që nga fillimi i udhëtimit, një ditë më parë.
Në rastin e një ekuipazhi të një autobusit me shumë njerëz, kjo periudhë duhet të jetë gjithsej nëntë orë brenda 30 orësh, përcjell albinfo.ch. Ndërkaq periudhat e pushimit në automjetin derisa ai është në lëvizje, janë të ndaluara ose nuk llogariten si pushime.
Në këtë mënyrë, shoferët kanë qëndruar në autobusin në lëvizje për gati 34 orë.
Sigurisht, autobusit iu ndalua udhëtimi në vijim. Dymbëdhjetë pasagjerëve u është dashur të vazhdonin udhëtimin e tyre me mjete të tjera.
Kundër ndërmarrjes së autobusëve dhe shoferit, është iniciuar procedura e cila parasheh një gjobë prej më së paku 5000 eurosh.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidatja austriake për eurodeputete viziton Zubin Potokun Kandidatja austriake për eurodeputete, Kati Schneeberger, ka vizituar të dielën Komunën e Zubin Potokut. Ajo është...
-
Kandidati për eurodeputet, Lukas Mandl vizitoi meshën shqipe në Vjenë
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?