Shqiperia
Atletja shqiptare në finalen e ‘Mynih 2022’
Luiza Gega u konfirmua si një prej atleteve më të forta në kontinent.
Kampionja shqiptare fitoi garën e parë në 3,000 metra me pengesa dhe siguroi në këtë mënyrë vendin në finalen e Europianit të Atletikës “Mynih 2022”.
Pasi ruajti energjitë, Luiza nisi shkëputjen në gjysmën e garës, duke mos u lënë asnjë shans rivaleve të reagonin. Në të vetmin moment pasigurie, ku kthente kokën mbrapa të kontrollonte garueset e tjera, ndjekëset iu afruan. Megjithatë, Gega e rikuperoi distancën dhe kaloi e para në finish.
Rekordmenia kuqezi regjistroi kohën 9 minuta, 30 sekonda e 93 të qindtat dhe tashmë do të synojë medaljen e artë europiane. Edhe pse në moshën 33-vjeçare, atletja shqiptare kërkon majën e podiumit, për një titull që i mungon. Në vitin 2016 Luiza arriti të fitonte medaljen e argjendtë në Europianin që u zhvillua në Amsterdam, transmeton A2, përcjell Albinfo.ch.
Pritshmëritë janë të mëdha, edhe prej paraqitjeve të jashtëzakonshme të Gegës gjatë këtij edicioni. Në qershorin që kaloi, ajo u pozicionua e pesta në Botërorin e Atletikës, të zhvilluar në Oregon të Shteteve të Bashkuara.
Luiza ka fituar gjithashtu edhe dy medalje të arta në Lojërat Ballkanike “Craiova 2022”, në disiplinën e 3,000 metrave me pengesa dhe në garën e 5,000 metrave. Ajo triumfoi edhe në Lojërat Mesdhetare “Oran 2022”, ku fitoi medalje të artë.
E-Diaspora
-
Sopranoja Elbenita Kajtazi ndanë bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë