Arrestohet një serb në Jarinjë, dyshohet se ofroi 10 euro ryshfet për hyrjen e vajzës në Kosovë

Shtetasi serb dyshohet se tentoi të korruptonte një zyrtar policor kufitar për t’i mundësuar vajzës së tij hyrjen në territorin e Kosovës.

Një shtetas i Serbisë është arrestuar në pikën kufitare në Jarinjë, pasi dyshohet se i ka ofruar 10 euro ryshfet një zyrtari të Policisë Kufitare, përcjell albinfo.ch.

Sipas Policisë së Kosovës, i dyshuari ka tentuar ta korruptojë zyrtarin policor në mënyrë që t’i mundësohej vajzës së tij hyrja në territorin e Kosovës.

Pas arrestimit, me vendim të prokurorit, i dyshuari është dërguar në mbajtje.

Rasti po trajtohet nga organet kompetente./Albinfo.ch

---