Kosova

Arrestohet një person për plagosjen e mbrëmshme në Pejë, i dyshuari kryesor ende në arrati

E enjte, 23 Maj 2024 - 9:47 albinfo.ch

FB: Policia e Kosoves

Një person është arrestuar gjatë orëve të natës (23.05.2024) pas plagosjes në Pejë, përcjell albinfo.ch.

I njëjti po dyshohet për dhënie të ndihmës pas kryerjes së veprës penale. Arrestimi u konfirmua nga Ersan Qavolli, prokurori që po e trajton rastin.

“Mund t’ju konfirmoj që kemi arrestuar një person, ai po dyshohet për ndihmë në pas kryerjes së veprës penale. I dyshuari kryesor është ende i paarritshëm, në arrati. Ai tashmë është i identifikuar, policia po punon për kapjen e tij”, tha Qavolli.

Agron Gashi, 21-vjeçar, tashmë është në kërkim të organeve të rendit si i dyshuar kryesor për plagosjen e tre personave në Pejë.