Lajme
Angela Merkel: «Po hyjmë në një fazë të re të pandemisë» (VIDEO)
Kancelarja gjermane, Angela Merkel u ka bërë thirrje gjermanëve që të respektojnë masat e distancimit social pasi të dhënat treguan se përhapja e infeksionit po përshpejtohet përsëri.
Situata në Gjermani është duke u monitoruar nga afër në të gjithë botën pasi është vendi më i madh evropian që kishte ndaluar suksesshëm përhapjen e koronavirusit, pjesërisht falë testimit masiv, i cili ndërkohë ka çuar në një rihapje të pjesshme të ekonomisë, shkruan albinfo.ch.
Merkel ka thënë vazhdimisht se shkalla e riprodhimit të virusit duhet të mbahet nën 1, që sistemi shëndetësor të mos mbingarkohet.
Sot, Instituti Robert Koch njoftoi se është në një nivel kritik prej 1,07 në ditën e tretë me radhë. Mund të jetë një sinjal se virusi po përhapet përsëri.
“Rritja e shkallës së riprodhimit do të thotë që zhvillimet duhet të monitorohen nga afër në ditët e ardhshme,” tha Robert Koch. Zyrtarët qeveritarë thonë se shkalla e riprodhimit ndryshon në mënyrë më dramatike pasi numri i infeksioneve zvogëlohet, dhe rritjet afatshkurtra nuk janë në vetvete të rrezikshme.
Sidoqoftë, Merkel paralajmëroi bashkatdhetarët e saj se është e rëndësishme të zbatohen rregulla të tilla si “mbajtja e distancës suaj, bartja e një maskë mbrojtëse dhe kujdesja për të tjerët”.
“Është shumë e rëndësishme për mua të theksoj përsëri faktin që po hyjmë në një fazë të re të pandemisë dhe se tani do të jetë e nevojshme të jesh i sigurt që njerëzit do të respektojnë rregullat themelore, të cilat janë mbajtja e distancës, bartja e maskave. Kjo është shumë e rëndësishme. Faleminderit shumë “, tha kancelarja gjermane.
Ajo që shqetëson politikanët gjermanë është protesta kundër masave të parandalimit të koronavirusit që u zhvilluan gjatë fundjavës në disa qytete, dhe përleshjet me policinë në disa vende. Në të njëjtën kohë, politikanët paralajmërojnë se përkrahësit e teorive të komplotit kanë një axhendë për të përdorur zhgënjimet e qytetarëve.
“Gjermania ka një treg të lirë mediatik që informon për të gjitha aspektet e pandemisë. Por pretendimet e turpshme dhe gjuha e urrejtjes, teoritë e komploteve të liga globale, janë diçka tjetër plotësisht, “tha zëdhënësi i qeverisë gjermane Stefan Seibert, përcjell albinfo.ch.
Të tjera nga Lajme
E-Diaspora
-
Itali
Irma Kurti vlerësohet me “Çmimin e Kulturës” në Itali Sërish ka ardhur një vlerësim i ri për poeten dhe shkrimtaren shqiptare Irma Kurti: i akordohet...
-
Pianistja e njohur kosovare, Lule Elezi, mban koncert recital në vendlindjen e Shopenit
-
Kush është gruaja që ju flet shqip kur fluturoni me CHAIR?
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do t’i jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun