Maqedonia
Ali Ahmeti rizgjidhet kryetar i BDI-së
Ahmeti shtoi se integrimi i vendit në NATO dhe BE mbetet përcaktim strategjik i pa kontestuar
Vendimi i degëve dhe delegatëve ishte unanim dhe pa kudërkandidat ndaj Ahmetit. Në fjalimin përshëndetës, Ahmeti theksoi se BDI është duke u ndërtuar që t’i udhëheqë proceset edhe 20 vjetët e ardhshme.
Duke folur për zgjedhjet e 12 prillit, kreu i BDI-së theksoi se në atë proces votohet për të ardhmen e vendit.
“Tani më 12 prill do të kemi edhe sprovën e parë dhe jam shumë i sigurt, ashtu siç kemi regjistruar e shënuar për 18 vjet 16 fitore, kjo që vjen më 12 prill është fitorja e radhës dhe më e rëndësishmja për BDI-në, për shtetin e Maqedonisë e Veriut, si një subjekt që ka ditur të mbajë barazitë etnike dhe politike në këto hapësira. Më 12 prill nuk fiton BDI-ja, por fiton Maqedonia e Veriuit, fitojnë qytetarët. Kemi ditur të balancojmë dhe të përballemi me vështirësitë më të mëdha dhe me sukses t’i menaxhojmë”, tha Ahmeti, përcjell AlsatM.
Ahmeti shtoi se integrimi i vendit në NATO dhe BE mbetet përcaktim strategjik i pakontestuar, ndërsa çdo kush që nuk respekton Marrëveshjen e Ohrit, të Prespës dhe atë me Bullgarinë, BDI-në të mos e llogarisë për partner. Sipas tij, parimi i kosensualitetit duhet thellohet, ndërsa zbatimi i pjesës normative të Marrëveshjes së Ohrdit duhet zgjeruar. Ahmeti foli edhe për nevojën e “vettingut” brenda partisë dhe në institucione gjyqësore.
“Nuk guxon të mbetet vetëm një zë ose rezolutë çështje sundimit të ligjit dhe e vettingut. Këtu duhet bërë punë tejet serioze që në vend të sundojë ligji, të ketë vetting të mirëfilltë dhe pastërti të vërtetë të figurave të cilat do të udhëheqin me sistemin e drejtësisë. Punët që na presin nuk janë të vogla. Neve duhet të jemi të vendosur në respektimin e plotë të Marrëveshjes së Ohrit, të mbrojmë dhe respektojmë marrëveshjen e Prespës si dhe marrëveshjen për fqinjësi të mirë me Bullgarinë”, theksoi tutje ai.
Në Kongresin e katërt zgjedhor BDI miratoi edhe ndryshimet statuare, deklaratën dhe rezolutat si dhe formoi Këshillin e Përgjithshëm dhe atë Kombëtar.
Urimi i menjëhershëm ka qenë nga Enver Hoxhaj, i cili thotë se ka qenë i ftuar në emër të PDK-së e kryetarit Kadri Veseli.
“Urime mikut tim Ali Ahmeti për rizgjedhjen në krye të BDI-së sot në Kongresin IV në Shkup, ku mora pjesë në emër të PDK-së dhe Kryetarit Veseli. Ali Ahmeti dhe BDI janë faktorët kyç në përfaqësimin dhe të arriturat e shqiptarëve në Maqedoninë e Veriut. Suksese!”, shkruan Hoxhaj.
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Austria dhe Britania e Madhe me bashkëpunim për deportimin e emigrantëve Austria dhe Britania e Madhe kanë arritur dakordim të punojnë së bashku për të ndryshuar sistemin...
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?