Integrimi
Albinfo.at – Aktualiteti i Shqiptarëve në Austri
Siç edhe keni mundur ta vëreni, tash e disa ditë është hapur edhe platforma online albinfo.at.
Krahas revistës albinfo.at, ne tani kemi lëshuar edhe portalin me të njëjtin emër, duke përmbushur kështu premtimin tonë që tashmë edhe shqiptarët e Austrisë ta kenë një platformë të plotë.
Albinfo.at, si motër e albinfo.ch, do t‘ ju sjellë çdo ditë lajme dhe informacione të reja nga jeta e shqiptarëve, integrimi, sukseset e bizneseve dhe individëve shqiptarë në Austri dhe më gjerë.
Gazetari amerikan, Richard Lui, nga MSNBC, ka thënë: „Të jesh i pari është mirë, por nuk është gjëja më e rëndësishme. Të jesh i saktë është më e rëndësishme”. Kjo do të jetë edhe motoja jonë. Do të mundohemi të jemi të saktë dhe të besueshëm. Ndoshta ndonjëherë edhe mund të gabojmë, por asnjëherë me qëllime të caktuara.
Albinfo.at nuk financohet nga asnjë parti politike apo grupe të interesit. I vetmi financim që mund të vijë është marketingu nga bizneset shqiptare që dëshirojnë të reklamojnë punën dhe produktet e tyre. Ne besojmë se kompanitë shqiptare në Austri dhe më gjerë do të gjejnë bashkëpunimin tonë dhe të mbështesin albinfo Austria, që të zgjerohet me staf punues dhe të na japin kurajo për të punuar edhe më shumë dhe për të sjellë të gjitha të rejat që ndodhin te shqiptarët dhe për shqiptarët në Austri.
Përveç lajmeve nga Austria, në albinfo.at, ashtu sikur edhe në albinfo.ch, shumë shpejt edhe në albinfo.de, ju do të mund të lexoni edhe për më të rejat nga Kosova, Ballkani, Zvicra e shtetet e tjera perëndimore. Lajmet dhe informacionet që na i sjellin bashkëpunëtorët tanë nga Zvicra, Austria, Gjermani dhe Kosova, publikohen minutë pas minute.
Kontakti me redaksinë në Vjenë të Austrisë, mund të shkruani në: [email protected]
Ndërsa për marketing në: [email protected]
Të tjera nga Integrimi
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?