Aeroplanët e rinj të “Swiss”-it, me më shumë udhëtarë, por më të ngushtë

Në nëntor “Swiss” sjell aeroplanët Airbus A320 dhe A321, të cilët mund të zënë më shumë pasagjerë, por do të kenë më pak distancë ndërmjet karrigeve.

Më parë, distanca në mes të karrigeve ishte 76 centimetra, ndërsa në aeroplanët e rinj do të jetë 73 cm. Megjithatë, “komoditeti është i njëjtë”, thonë në “Swiss”.

Një krahasim i platformës së udhëtimit “Business Traveller” nga vitit 2012 tregon se në fluturimet e klasit ekonomik kanë më pak hapësirë ndërmjet karrigeve në aeroplan. Të njëjtën hapësirë sikur aeroplanët e rinj të “Swiss”-it ofrojnë edhe transportuesit me kosto të ulët Air Berlin dhe EasyJet.

Më komod fluturoni në Edelweiss dhe British Airways. Këtu pasagjerët në klasin ekonomik gëzojnë hapësirë ndërmjet karrigeve të paktën 76 centimetra. Më shumë hapësirë gjithashtu ofron kompania Lufthansa. Më komod është në aeroplanët e Etihadit, konkurrentit zviceran, i cili ka të paktën 79 centimetra hapësirë ndërmjet karrigeve, 6 centimetra më shumë sesa në “Swiss”.