Admir Mehmedi në shënjestër të italianëve

Sipas mediave italiane dhe atyre zvicerane, suksesi i treguar i Mehmedit ka tërhequr vëmendjen e udhëheqësve të Parmës

Admir Mehmedi mund të transferohet te skuadra italiane Parma në serie A. Mediat italiane dhe ato zvicerane kanë raportuar se Parma po e shqyrton mundësinë e transferimit të 20-vjeçarit nga Zurichu gjatë kësaj vere.

Parma është skuadra e fundit nga Serie A që ka shprehur interesim për ta siguruar futbollistin shqiptar me prejardhje nga Gostivari, Admir Mehmedi.

Sulmuesi 20-vjeçar ëshë treguar shumë i suksesshëm me fanellën e ekipit Zuerich, dhe me plot sukses po i mbron edhe ngjyrat e përfaqësueses së shtetit zviceran. Problemi i vetëm i transferimit të Mehmedit nga Zvicra në Itali mund të jetë fakti se futbollisti dëshiron që sivjet të luajë në fazën e grupeve të Ligës së Kampionëve, ku është kualifikuar Zurichu, mundësi kjo të cilën nuk e ka Parma.