ABSM përmbylli me sukses semestrin me “Sommer Apéro 2026” në Basel

Foto: Gent Mersinaj

Në një atmosferë të ngrohtë dhe festive, ABSM Basel – Instituti i Trajnimit dhe Këshillimit për Migrantët (Integriert mit Sprache und Bildung) organizoi aktivitetin tradicional “Sommer Apéro 2026”, duke shënuar përfundimin e një semestri të suksesshëm. Në këtë mbrëmje u mblodhën kursantë, bashkëpunëtorë, përfaqësues institucionesh dhe mysafirë, të cilët festuan së bashku arritjet e muajve të fundit.

Programi u hap me fjalën përshëndetëse të Balbine Kashamës, ndërsa të pranishmit i përshëndetën edhe Nazmi Jakurti, Ambasadori i Republikës së Kosovës në Zvicër, Mentor Latifi, si dhe Irene Fontanilles, të cilët vlerësuan kontributin e ABSM-së në promovimin e integrimit, arsimit dhe bashkëjetesës në shoqërinë zvicerane.

Pjesa artistike e mbrëmjes u pasurua nga interpretimet e Arsim Lekës në saksofon, Martin Wyss në kontrabas dhe Lucio Marelli në bateri. Performanca e tyre krijoi një atmosferë të veçantë, duke i dhënë aktivitetit një dimension kulturor e festiv.

Në këtë ngjarje ishte i pranishëm edhe themeluesi dhe kryetari i ABSM-së, Skender Nikoliqi, së bashku me stafin e institucionit. Mbrëmja konfirmoi edhe një herë rolin e rëndësishëm që luan ABSM në promovimin e integrimit, dialogut ndërkulturor dhe forcimin e lidhjeve mes komuniteteve në Zvicër

Foto:

Foto&VIDEO: Gent Merssinaj