Abdixhiku takoi eurodeputetin McAllister në Gjermani, kërkon mbështetje nga mërgimtarët për të

Foto FB: Lumir Abdixhiku

Kryetari i Lidhjes Demokratike të Kosovës, Lumir Abdixhiku, ka njoftuar se është takuar me eurodeputetin David McAllister, në Winsen të Gjermanisë.

Përmes një postimi në rrjetin social “Facebook”, Abdixhiku ka kërkuar nga mërgimtarët mbështetje për McAllister në zgjedhjet evropiane, transmeton albinfo.ch.

“Në këtë moment kyç të zgjedhjeve evropiane, mërgata jonë e madhe duhet të tregojë aktivizim. Jo vetëm për të shpërfaqur më së miri interesat e tyre në vendet ku jetojnë, por dhe për të qenë forcë përcaktuese tanimë përtej kufijve tonë shtetëror. Dhe në këtë moment kyç është thelbësore që ne të mbështesim një kandidat që jo vetëm ka treguar angazhim, jo vetëm që ka treguar pasion, jo vetëm që njeh ëndrrat tona e i kupton nevojat tona, por një kandidat që në gjithë veprimtarinë e vet politike ka gjetur kohë të vendosë Kosovën në ballë të angazhimit personal politik, duke dhënë rezultate të prekshme drejt kauzës sonë euroatlantike”, ka shkruar ai.