Remitancat arrijnë rekord historik në Shqipëri, emigrantët dërgojnë 621 milionë euro në gjashtë muaj

Dërgesat e emigrantëve u rritën me 16,7% në janar-qershor, ndërsa vetëm në tremujorin e dytë arritën në 347 milionë euro.

Remitancat drejt Shqipërisë kanë vijuar të rriten, të nxitura edhe nga vala e re e emigracionit. Në gjashtëmujorin e parë të vitit, emigrantët kanë dërguar 621 milionë euro te familjarët e tyre në Shqipëri, 16,7% më shumë krahasuar me të njëjtën periudhë të një viti më parë, transmeton albinfo.ch.

Sipas të dhënave të Bankës së Shqipërisë për bilancin e pagesave, kjo shifër përbën një rekord të ri historik sa i përket dërgesave të emigrantëve.

Rritja më e madhe është shënuar në tremujorin e dytë të vitit, kur prurjet nga emigrantët arritën në 347 milionë euro, duke shënuar një rritje prej 24% krahasuar me të njëjtën periudhë të vitit të kaluar./Albinfo.ch

---