Rama: Zvicra, një nga miqtë dhe partnerët më të çmuar të Prishtinës

Kryetari i Prishtinës, Përparim Rama, ka vlerësuar marrëdhëniet dhe bashkëpunimin mes Kryeqytetit dhe Zvicrës, duke e cilësuar këtë shtet si një nga miqtë dhe partnerët më të çmuar të Prishtinës.

Rama e bëri këtë deklaratë gjatë një pritjeje të organizuar me rastin e Ditës Kombëtare të Zvicrës, ku morën pjesë edhe ambasadorja e Zvicrës, Anne-Lise Cattin Hennin, si dhe përfaqësues e partnerë ndërkombëtarë.

Sipas Ramës, takimi shërbeu për të riafirmuar miqësinë dhe bashkëpunimin ndërmjet dy vendeve, ndërsa theksoi se ky partneritet pritet të vazhdojë përmes projekteve dhe ideve të reja.

Ai tha se bashkëpunimi me Zvicrën synon të sjellë më shumë projekte dhe mundësi për Prishtinën dhe qytetarët e saj.