Zvicra rrezikon të dështojë me objektivat klimatike të vitit 2030

(KEYSTONE/Anthony Anex)

Zvicra ka pak gjasa të përmbushë objektivin e saj për përgjysmimin e emetimeve të gazeve serrë deri në vitin 2030. Paralajmërimi vjen nga vetë ministri i Mjedisit, Albert Rösti, i cili ia faturon këtë vështirësi kufizimeve të fundit buxhetore të vendosura nga Këshilli Federal.

​Në një intervistë për gazetën Le Temps, anëtari i ekzekutivit zviceran sqaroi se një pjesë e madhe e planit për vitin 2030 mbështetej te blerja e “kredive të karbonit” (të drejtave të emetimeve) në vendet në zhvillim. Megjithatë, në kushtet e tanishme financiare, Berna zyrtare e ka të pamundur të ndajë fondin shtesë prej 300 deri në 400 milionë frangash të nevojshme për blerjen e këtyre certifikatave.

​Pavarësisht këtij ngadalësimi, Rösti nëvizoi disa pika kyçe mbi rrugëtimin mjedisor të vendit:

​Neutraliteti më 2050 mbetet i mundur: Megjithëse synimi i vitit 2030 duket i vështirë, objektivat e vitit 2025 dhe neutraliteti i plotë ndaj karbonit deri në vitin 2050 mbeten ende plotësisht të arritshme.

​AsHpërsim masash pas vitit 2030: Nëse targeti i 2030-ës dështon, Zvicrës do t’i duhet të forcojë masat në dekadën vijuese — përfshirë mundësinë e shtrirjes së sistemit të tregtimit të emetimeve edhe te sektori i transportit dhe ndërtesave.

​Ligj i ri për CO2 dhe menaxhimi i ujit: DETEC po përgatit kuadrin e ri ligjor për periudhën 2030-2040, si dhe një strategji të re kombëtare për përballimin e mungesës së ujit dhe koordinimin ndër-kantonal.

​Pranim i valëve ekstreme të të nxehtit: Në një tjetër prononcim për mediat e grupit Tamedia, ministri hodhi poshtë kritikat ndaj Qeverisë për mungesë reagimi gjatë verës, por pranoi se intensiteti i lartë i valëve të të nxehtit këtë sezon e ka surprizuar edhe vetë atë.