Lichtsteiner mezi pret të punojë me Shaqirin

“Për mua si trajner, Shaqiri është lojtar që mund të bëjë diferencën dhe mezi pres të punoj me të”, u shpreh trajneri i ri i Baselit

Baseli zyrtarizoi Stephan Lichtsteiner një ditë më parë si trajnerin e ri të skuadrës.

Në konferencën e parë për shtyp, tekniku u pyet edhe për futbollistin shqiptar, Xherdan Shaqiri.

“Për mua si trajner, Shaqiri është lojtar që mund të bëjë diferencën dhe mezi pres të punoj me të”, u shpreh trajneri i ri i Baselit, transmeton albinfo.ch.

“Sigurisht, kam ndjekur shumë ndeshje të Superligës. I njoh pak a shumë ekipet dhe është e qartë se kam disa ide në mendje. Por tani duhet t’i njoh lojtarët në dhomën e zhveshjes. Sfida është e madhe.

Jam i vetëdijshëm për këtë. Megjithatë, arrita në përfundim relativisht shpejt se doja ta pranoja dhe se jam gati për detyrën e madhe”, u shpreh Lichtsteiner.

---