Kosova

Kurti përsëriti apelin: Dilni e votoni

E diel, 9 Nëntor 2025 - 18:30 albinfo.ch

foto-arkive

Kryeministri në detyrë i Kosovës, Albin Kurti ka përsëritur thirrjen që të gjithë qytetarët me të drejtë vote, të dalin e të votojnë.

Përmes një video-paraqitjeje në rrjetin social “Facebook”, Kurti ka folur nga lagjja Kodra e Trimave, në kryeqytet.

“Të dashur qytetarë, këtu nga Kodra e Trimave, në këto orët e fundit të mbetura të kësaj dite të rëndësishme, ju ftoj që të dilni e të votoni.”, ka thënë ai, transmeton albinfo.ch.

Ndryshe, Komisioni Qendror i Zgjedhjeve ka njoftuar se 27.55 për qind është pjesëmarrja në zgjedhje deri në orën 17:00 nga rreth 96 për qind e vendvotimeve të procesuara.