DR
Lajme
Dhuratë nga Llozana, 500 libra për Bibliotekën e Ferizajt
Përveç që ka pasuruar për 500 libra francez bibliotekën e qytetit "Sadik Tafarshiku", ndihma nga Llozana ka forcuar edhe më shumë lidhjet kulturore ndërmjet dy qyteteve
Një donacion i ardhur nga Llozana e Zvicrës, përveç që ka pasuruar për 500 libra francez, bibliotekën e qytetit “Sadik Tafarshiku” në Ferizaj, ka forcuar edhe më shumë lidhjet kulturore ndërmjet dy qyteteve. Po ashtu nga ky qytet zvicerian kanë ardhur edhe 5 mijë franga që gjithashtu do të shkojnë në këndin kulturor të kësaj komune.
Kryetari i Ferizajt, Muharrem Svarqa, ka falënderuar delegacionin zviceran për kontributin e dhënë në avancimin e vlerave kulturore, ndërsa ka vënë në pah se në fushën e kulturës, prezenca shqiptare është e madhe në këtë rajon frankofon të Zvicrës përmes shkollave shqipe atje, institutit të studimeve shqiptare etj.
Ndërkohë kryetari Svarqa ka vënë theksin tek ndikimi i letërsisë franceze në letërsinë dhe artin tonë.
“Historia jonë, sidomos ajo e romantizmit, ka krijuar edhe kryevepra të letërsisë shqipe, që janë shkruar nga romantikët e mëdhenj si Çajupi etj, por nuk ka munguar edhe arti tjetër që është zhvilluar edhe në Llozanë, edhe nga Aleksandër Mojsiu, një nga aktorët e artit skenik, që ka lënë gjurmë të pashlyeshme në historinë e artit. Duhet përmendur këtu edhe veprimtarët e tjerë të çështjes, si Noli, Konica, Mit’hat Frashëri etj,” ka thënë Svarqa.
Krahas këtij numri të librave, biblioteka e Ferizajt ka përfituar edhe një donacion në vlerë prej 5 mijë eurosh.
“Përkundër përvojave të mangëta që kemi si qytet për krijimin e mundësive për njohjen e gjuhës frënge, megjithatë gatishmëria dhe bashkëpunimi nuk mungojnë dhe mendoj se idetë e së kaluarës për krijimin e një liceu të gjuhës frënge, ne do të përpiqemi t’i shndërrojmë në realitet,” ka thënë Svarqa.
Në anën tjetër drejtori i bibliotekave të Lozanës, Frédéric Sardet, ka vënë në dukje se në mesin e librave të dhuruara, dominon literatura shkollore, ajo për fëmijë si dhe libra që do të ndihmojnë në përvetësimin më të lehtë të gjuhës frënge.
“Lidhjet kulturore janë të ndikuara edhe te ne nga fqinjët, në krijimin e një imazhi të ri siç është letërsia zvicrane bashkëkohore, letërsia që është zhvilluar kryesisht në Lozanë e cila është më e njohur në vendet frankofone. Kemi përzgjedhur që të forcojmë letërsinë për të rinjtë, të shtojmë edhe numrin e letërsisë për fëmijë e cila do të zhvillohet më shumë me ata që e njohin gjuhën, duke krijuar lehtësira në komunikim me lexuesin dhe shkollarët.Shpresoj që kjo do t’ju pëlqej” ka thënë Sardet.
Kontigjenti i librave të dhurara nga zyrtarët zviceranë përmban 378 vepra letrare për të vegjël dhe të rritur të shkruara nga autorë të ndryshëm të Zvicrës franceze si dhe libra për mësim të gjuhës frënge, 47 stripe, 20 fjalorë, 45 CD dhe 13 DVD. Me këtë rast u shfaq edhe një program i pasur kulturo-artistik i përgatitur nga nxënësit e gjimnazit “Dr. Shaban Hashani” , të cilët skeqrt e tyre artistike i kishin përgatitur në gjuhën frënge.
Ndryshe, një javë më parë në Ferizaj ka filluar manifestimi tashmë tradicional “Ditët e kulturës”, një eveniment i kulturës i cili për disa ditë para ferizajasve do të ofrojë shumë aktivitete kulturore.
Në këtë manifestim kulturor po marrin pjesë një delegacion nga Llozana, i pritë nga Oskar Tosato drejtor për çështje të arsimit primar dhe sekondar, rinisë dhe kohezionit social, Grégoire Junod drejtor i sigurisë publike, çështjeve banesore dhe të bibliotekave, Frédéric Sardet shef i bibliotekave dhe arkives së qytetit të Lozanës dhe Musa Kamenica koordinator i projektit.
E-Diaspora
-
Një mbrëmje plot risi dhe frymëzim Ngjarja në Google Cyrih ishte një moment historik në misionin e swissalbs për të promovuar dhe...
-
Komuniteti shqiptar në Itali merr pjesë në “Festën e Popujve” në Bari
-
Albian Hajdari mund të jetë befasia e Zvicrës në Evropian
-
Shqiptari në Angli fsheh drogë në çorape, dënohet me tre vjet burgim
-
Itali: Shqiptari e godet 8 herë me thikë ish-pronaren e hotelit ku punonte
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore