Më 7 gusht, OVL-UÇK organizon protestë kundër Gjykatës Speciale

The capitals of the EU : The Hague

Organizata e Veteranëve të Luftës së Ushtrisë Çlirimtare të Kosovës ka paralajmëruar organizimin e një proteste kundër Gjykatës Speciale më 7 gusht.

Përmes një konference për media, udhëheqës të organizatës kanë kritikuar ashpër punën e Dhomave të Specializuara në Hagë teksa e kanë cilësuar këtë gjykatë si të njëanshme dhe me qëllim të deformimit të luftës çlirimtare të UÇK-së.

“Gjykata Speciale po shërben si mekanizëm për njollosjen e luftës sonë të drejtë dhe përbaltjen e figurave kryesore të saj”, u njoftua në konferencë, transmeton albinfo.ch.

OVL-UÇK tha se protesta do të jetë paqësore dhe ka për qëllim të kundërshtojë padrejtësitë që, sipas tyre, po u bëhen ish-krerëve të UÇK-së, të cilët tashmë po përballen me procesin gjyqësor në Hagë.