Rrahmani-Asllani, vazhdon beteja për titullin e kampionit

E sigurt është se fitues i Seria A do të jetë një futbollist shqiptar

Gara për Serie A po shkon drejt fundit. Deri në përfundim të kampionatit italian kanë mbetur edhe tri xhiro, shkruan albinfo.ch.

Pikët mbesin të njëjta, me Napolin që ka tri pikë më shumë se Interi, pas fitoreve të së shtunës.

Napolit të Amir Rrahmanit i nevojiten edhe dy fitore e një barazim për të fituar Serie A, ndërkohë që Interi duhet të fitojë tri ndeshjet e mbetura dhe të shpresojë se Napoli do të humbasë të paktën një ndeshje.

Nëse mbesin me pikë të barabarta, atëherë, do të zhvillohet një finale, që do të përcaktojë titullin e kampionit.

Rrahmani dhe Asllani kanë fituar nga një trofe të Serie A në karrierën e tyre.

---