Ministrja e Punëve të Jashtme dhe e Diasporës së Kosovës takohet me deputetë gjermanë

Ministrja e Punëve të Jashtme dhe e Diasporës në Kosovë, Donika Gërvalla, është takuar me deputetë gjermanë përgjatë Konferencës së Sigurisë në Mynih.

Sipas njoftimit nga kjo ministri, në takim është diskutuar mbi situatën e sigurisë dhe proceset politike, teksa thuhet se në takim me deputetët Niels Annen, Ulrich Lechte, Thomas Erndl, Andreas Schwarz, Armand Zorn dhe Alexander Muller, Gërvalla i ka falënderuar për përkrahjen e Gjermanisë, duke shtuar se Gjermania është partnere e fuqishme e Kosovës, transmeton albinfo.ch.

“Mbështetja gjermane për Kosovën u konsiderua thelbësore për paqen dhe stabilitetin në Ballkanin Perëndimor. Në margjinat e Konferencës së Sigurisë në Mynih, zëvendëskryeministrja dhe ministrja e Punëve të Jashtme dhe Diasporës e Republikës së Kosovës, znj. Donika Gërvalla, takoi një grup të deputetëve gjermanë, të cilët i informoi rreth proceseve politike në vend, situatën e sigurisë dhe ndryshimet thelbësore në komunat veriore, rezultatet e qeverisjes së mirë dhe prioritetet e politikës së jashtme të Republikës së Kosovës”, thuhet në komunikatë.