Ambasadori gjerman: Duhen katër muaj për tranzicion dhe informim për dinarin

Foto Twitter: @GermanAmbKOS

Ambasadori i Gjermanisë në Kosovë, Jorn Rohde, ka thënë se duhen katër muaj afat për hyrjen në fuqi të vendimit për dinarin serb.

Përmes një postimi në rrjetin social “Twitter”, ai e ka shpërndarë një postim të ambasadorit të BE-së në Kosovë, Tomas Szunyog, i cili ka kërkuar që të shtyhet vendimi i Bankës Qëndrore të Kosovës për dinarin, transmeton albinfo.ch.

“Kolegu im nga BE-ja, Tomas, qartë deklaron pse na duhet periudhë e gjatë tranzicioni dhe informimi për rregulloren e BQK-së. Me fushatën 4-mujore para liberalizimit të vizave, qeveria e Kosovës ka treguar se di të komunikojë si duhet. Na duhet sërish kjo”, ka shkruar ai.