Gjuajtje me armë, vritet një person në Prishtinë

Një person është vrarë me armë zjarri mbrëmjen e së mërkurës në Prishtinë.

Lajmi është konfirmuar nga Policia e Kosovës, sipas së cilës rasti ka ndodhur në “Rrugën C”, në Prishtinë, ku rreth orës 20:00 ka pasur gjuajtje me armë zjarri.

“Policia ka dalë në vendin e ngjarjes dhe nga informacionet e para të marra nga mjekët emergjentë, është konfirmuar se një person është pa shenja jete. Policia po vijon punën me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe lokalizimin e të dyshuarve të implikuar në rast”, thuhet në njoftimin e Policisë së Kosovës.

Rrethanat e këtij rasti po vazhdojnë të hetohen.