Scholz thirrje BE-së të mbajë premtimet ndaj Ballkanit Perëndimor

(KEYSTONE/DPA/Christoph Soeder)

Kancelari i Gjermanisë, Olaf Scholz ka mbajtur një fjalim para deputetëve evropianë në Ditën e Evropës.

Ai u ka bërë thirrje shteteve të Bashkimit Evropian të mbajnë premtimet ndaj Ballkanit Perëndimor, shkruan Radio Evropa e Lirë.

Mes tjerash, Scholz foli edhe për normalizimin e raporteve mes Kosovës dhe Serbisë.

“Evropa gjeopolitike duhet t’i mbajë premtimet e saj. Premtimet duhet të mbahen ndaj vendeve të Ballkanit, të cilave po u premtojmë anëtarësim tash e 20 vjet. Normalizimi i raporteve mes Kosovës dhe Serbisë duhet të vazhdojë. Duhet të vazhdojnë reformat për integrim. Duhet të avancohet edhe procesi i negociatave me Maqedoninë e Veriut. Zgjerimi nuk duhet të jetë i vetmi motiv për reforma, por duhet të kihet parasysh“, u shpreh ai, përcjellë albinfo.ch.

Scholz tha se vendeve të Ballkanit Perëndimor, por edhe Ukrainës, Moldavisë e edhe Gjeorgjisë, iu është thënë se e kanë vendin në BE, e kjo sipas tij, duhet të ndodhë.

“Përpjekjet për të rindërtuar Ukrainën, një tjetër anëtare aspiruese e BE-së, do të kenë nevojë për kapital politik dhe financiar në afat të gjatë, deklaroi ai, përcjellë albinfo.ch.