Kosova
Mihane Beqiri, diplomatja e re që flet rrjedhshëm 5 gjuhë të botës
Poliglote, diplomate, aktiviste për të drejtat njerëzore, anëtare e Aleancës Rinore Botërore, ambientaliste dhe poete, Mihane Beqiri ka për qëllim ta bëjë Kosovën një vend më të mirë dhe t’i tregojë botës.
Shumë të rinj shqiptarë janë duke arritur suksese në profesionet që kanë zgjedhur të punojnë. Patjetër që njëra nga këto është edhe shqiptarja Mihane Beqiri, transmeton albinfo.ch.
Ajo shquhet si në formimin intelektual, profesional dhe etik, sepse bota e saj, angazhimet dhe ambiciet kanë të tjera dimensione.
Mihane Beqiri është një diplomate e re, aktiviste mjedisore dhe poliglote që flet rrjedhshëm pesë gjuhë, ajo tashmë ka lënë shenjën e saj si përfaqësuese e Kosovës në evente të shumta botërore. Dhe gjithçka e ka arritur ndërkohë që është vetëm 22-vjeçare.
Ajo është përfaqësuese zyrtare nga Kosova në Organizatën Botërore të Prosperitetit (WPO).
Si ambasadore e Kosovës në ambasadën virtuale, Mihania dëshiron të sigurohet që të dëgjohet zëri i të rinjve dhe të përmbushet kërkesa e tyre për të udhëtuar pa barriera kudo në botë.
Sipas Europe House, pasioni i Mihanes për punë të dallueshme shkon përtej diplomacisë. Ajo është gjithashtu një aktiviste për të drejtat e njeriut dhe anëtare e Aleancës Rinore Botërore të themeluar në Belgjikë. Ajo thotë se ka shumë gjëra për të bërë, veçanërisht në fushën e të drejtave të grave dhe disa të drejtave fetare.
Aktivizmi mjedisor është një fushë tjetër që Mihania e ka për zemër. Në moshën 19-vjeçare ajo filloi të riciklonte tesha dhe të prodhonte çanta prej tyre. Por marrëdhënia e saj me natyrën nuk mbaron me kaq. Fshati Bajgorë i komunës së Mitrovicës prej nga vjen ajo, ka florë të pasur me shumë lloje të luleve nga familje të ndryshme të bimëve. Kështu, ajo filloi të krijojë një herbarium për të mbledhur dhe identifikuar këto specie dhe bimë dhe gjithashtu për të prodhuar parfume artizanale.
Veç kësaj, si anëtare e Parlamentit Studentor të Universitetit të Prishtinës, ajo aktualisht është duke lobuar për të pasur më shumë opsione vegane dhe vegjetariane në dispozicion të studentëve në mensën e Qendrës së Studentëve.
Pavarësisht angazhimit të saj të mirëfilltë në përfaqësimin dhe aktivizmin e të rinjve, Mihania mundet të krenohet edhe me aftësinë e saj për të folur pesë gjuhë që në moshë të re: anglisht, frëngjisht, italisht, turqisht dhe hindi. Për shembull, aftësitë e saj në frëngjisht kanë dhënë tashmë një kontribut të rëndësishëm duke e vendosur Kosovën në hartë. Dy vjet më parë, ajo dëshironte të merrte pjesë në një konkurs poezie në frëngjisht, por Kosova nuk ishte e listuar në mesin e vendeve. Pas dy javësh me shkëmbime të email-eve dhe mesazheve në Facebook me organizatën organizatore të konkursit, “Chansons sans Frontières” nga Franca, më në fund ata vendosën të shtojnë Kosovën.
Mihania e sheh të ardhmen e saj në diplomaci si një mundësi për ta përmirësuar imazhin e Kosovës, si një vend relativisht i ri që nënvlerësohet dhe injorohet në komunitetin global. Ajo dëshiron të sigurohet që imazhi i Kosovës të shihet dhe të vlerësohet në mbarë botën. /Albinfo.ch
E-Diaspora
-
Muhamed Mustafi, ylli shqiptar në St. Gallen Te skuadra zvicerane St. Gallen po rritet një talent i ri shqiptar, i cili aktualisht është...
-
Shqipëria, pjesë e paradës së karnavaleve në Berlin
-
Gazmend Zajmi, një ndër kolosët e pavarësisë
-
“Më të kërkuarat janë fanellat e Zvicrës dhe ato të Shqipërisë”
-
Prokuroria kërkon 18 vjet burgim për autorin e vrasjes së Shqiponja Isufit
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?