Planifikuan gara në autostradë, Policia e Kosovës gjobit 21 shoferë

Policia e Kosovës ka njoftruar se ka vënë gjoba ndaj 21 shoferëve nën dyshimin se kanë planifikuar gara me automjete në autostradë.

Sipas njoftimit, me datën 28.01.2023, Policia e Kosovës ka pranuar informatë se në autostradën “Ibrahim Rugova” ka një numër të automjeteve të cilat dyshohet se po përgatiteshin të mbanin gara shpejtësie.

Pas që ka arritur të identifikojë një numër të personave dhe automjeteve, Policia ndaj 21 shoferëve ka shqiptuar gjoba sipas ligjit për rregullat e trafikut dhe 1 automjet është konfiskuar pasi që i njëjti nuk posedonte regjistrim.

“Policia e Kosovës njofton të gjithë pjesëmarrësit në trafik e në veçanti shoferët e automjeteve të cilët bëjnë shkelje të ligjeve dhe rregullave të trafikut përfshirë edhe organizimin e garave jashtë rregullave ligjore, do të ndërmerr masa ndëshkuese sipas ligjeve në fuqi”, thuhet në njoftimin e PK-së