Varrosen viktimat në Cetinje, edhe nesër ditë zie në Malin e Zi

Në Shtëpinë e Qeverisë në Cetinje është mbajtur një seancë komemorative, në të cilën kanë marrë pjesë anëtarët e familjeve të viktimave tragjike, përfaqësues të pushtetit lokal, Qeverisë dhe presidenti Milo Gjukanoviq.

Qytetarë të shumtë të Malit të Zi i kanë bërë nderimet e fundit viktimave të krimit në Cetinje, ndërsa dhjetë viktima janë varrosur në varrezat e qytetit të Cetinjës, në Bajice, Gradac dhe Lubotinje.

Paraprakisht, në Shtëpinë e Qeverisë në Cetinje është mbajtur një seancë komemorative, në të cilën kanë marrë pjesë anëtarët e familjeve të viktimave tragjike, përfaqësues të pushtetit lokal, Qeverisë dhe presidenti Milo Gjukanoviq, njofton RTCG, transmeton Albinfo.ch.

Në të shtënat që ndodhën të premten në vendbanimin Medovina në Cetinje, afër Shtëpisë së Qeverisë, kanë mbetur të vrarë 11 persona, mes tyre edhe sulmuesi Vuk Boriloviq, ndërsa gjashtë janë plagosur./Albinfo.ch/

---