Familjarët e viktimave në Bullgari kërkojnë drejtësi

EPA/VASSIL DONEV

Pas vendimit për të mos diskutuar në Komisionin parlamentar anketues për tragjedinë në Bullgari, kanë reaguar familjarët.

“Ne familjarët e viktimave që humbën jetën në tragjedinë e autobusit në Bullgari kërkojmë vetëm të vërtetën dhe drejtësinë. Për këtë qëllim kërkuam që në Kuvend Komisioni anketues të mbajë mbledhje për të drejtat dhe liritë e njeriut. Por, sot morëm përgjigjen se këtë mbledhje, Kryetari i Kuvendit, Talat Xhaferi, e ka anuluar”, reagojnë familjarët, transmeton Alsat, përcjell Albinfo.ch.

Sipas tyre vendimet e këtilla janë tentim për të fshehur tragjedinë. Ata theksuan se Xhaferi i ka rënduar edhe më shumë dhimbjen dhe e pyetën publikisht, përse i pengon e vërteta, kë dëshiron ta mbrojë dhe pse nuk lejon hetim parlamentar.