Lajme
Festa e pavarësisë në Shtutgard hapet me filmin ‘Zgjoi’
Për nder të 28 Nëntorit, Konsullata e Kosovës në Stuttgart organizoi manifestim kulturor ku shfaqi filmin “Zgjoi”
Konsullat e Përgjithshme e Republikës së Shqipërisë në München, së bashku me Konsullatën e Përgjithshme të Republikës së Kosovës në Stuttgart, në prani të mysafirëve të shumtë, personaliteteve të shumta nga Kosova, Shqipëria dhe Maqedonia e Veriut, në mënyrë madhështore shënoi festat e nëntorit dhe shfaqi filmin “Zgjoi”.
Tubimin e moderoi Can Tahiri, i cili të pranishmit i njoftoi për organizatorët e këtij manifestim dhe i përgëzoi ata.
Veçantia e këtij tubimi kushtuar 28 Nëntorit ishte prania e personaliteteve si ish-presidenti i Shqipërisë, Alfred Mojsiu, Rifat Jashari, Fahrije Hoti si dhe Konsulli i Përgjithshëm i Shqipërisë në Munchen, Arten Hanku, Konsulli i Përgjithshëm i Republikës së Kosovës, Imer Lladrovci, Konsulli Besnik Miftaraj, zv.Konsulli Gramoz Berisha, Rexhep Demiri, Konsulli i Përgjithshëm i Maqedonisë në München dhe të tjerë, Gëzim Gashi, shef i Konsullatës së Përgjithshme të Republikës së Kosovës në Frankfurt.
Konsulli Lladrovci falënderoi pjesëmarrësit dhe vuri në dukje rëndësinë dhe karakterin unik të festave të nëntorit për shqiptarët, duke i uruar dhe përgëzuar ata për pjesëmarrje.
Po ashtu, në fjalën e tyre, për festat e nëntorit, folën edhe ish-presidenti Mojsiu si dhe konsulli Arten Hanku.
Programin e begatoi me muzikë klasike dhe pika muzikore me motive atdhetare, Delina Hajra – Gashi dhe Kushtrim Gashi.
Për nder të 28 Nëntorit, u ndan mirënjohje nga Konsullata e Shqipërisë dhe Kosovës për Presidentin Mojsiu dhe Rifat Jasharin.
Me këtë rast u shfaq filmi “Zgjoi” dhe në skype, tubimin e përshëndeti regjisorja Blerta Basholli.
Në fund Konsulli Lladrovci falënderoi miqtë gjermanë, z. Simon dhe znj. Juta Fei nga distribucioni “Jef film” dhe Naser Vrellën për mundësinë e shfaqjes së filmit.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj