Lajme
Shumë shtete evropiane mund të mbyllen për festat e fundvitit
Duke parë situatën me Covid, vendet e Bashkimit Europian po shtrëngojnë me radhë masat kufizuese nga frika e përhapjes së koronavirusit me rastin e festave të fundvitit, përcjell albinfo.ch.
Holanda është e fundit që njoftoi mbylljen totale me Britaninë e Madhe, ndërsa më herët Italia, Greqia, Gjermania dhe Austria morën masa drastike izoluese.
Në Greqi, ku sipas hetimeve epidemiologjike të kryera kryesisht në zonën e Selanikut dhe rrethina rezultoi se pjesa dërrmuese e përhapjes së infeksionit ishin vatra familjare, Qeveria ka vendosur masa të reja kufizuese me rastin e festave.
Sipas këtyre masave, orari i ndalim-qarkullimit rritet me 11 orë, duke filluar nga ora 18:00 deri në 05:00. Ky kufizim vetvetiu parandalon edhe tubimet dhe grumbullimet familjare që mund të pasojnë festën e Krishtlindjeve dhe të Vitit të Ri.
Italia ka hyrë e gjitha në karantinë, pas vendimit të Qeverisë për të hequr dorë nga praktika e ndjekur deri më tani për të vendosur masat sipas rajoneve në varësi të përhapjes së virusit. Pas vendimit të Qeverisë “Conte”, tashmë i gjithë vendi është shpallur zonë e kuqe me ndalim-qarkullimi, duke pezulluar të gjitha lëvizjet hyrëse dhe dalëse.
Austria po ashtu pothuajse ka mbyllur plotësisht kufijtë e saj, duke kufizuar edhe mjetet e transportit tranzit, ndërsa Holanda njoftoi mbylljen totale të kufijve me Britaninë e Madhe pas raportimeve për shpërthimin e një mutacionit të ri virusi në Anglinë Jugore, megjithëse autoritetet dhe OBSH ende nuk mund të thonë asgjë për vdekshmërinë e tij.
Gjermania këtë javë ka regjistruar rekord të rasteve me infektime, deri mbi 50 mijë infektime në ditë, gjë që vendin mund ta dërgojë në masa të reja edhe për festat e fundvitit.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?