Spanja rikthen karantinën edhe për katër vende të tjera

Keystone

Spanja do të vendosë një karantinë dhjetëditore për udhëtarët nga Argjentina, Kolumbia, Bolivia dhe Namibia, duke filluar nga 27 korriku, si një masë e re për të luftuar infeksionet COVID-19, njoftoi qeveria.

“Karantina mund të reduktohet në shtatë ditë, nëse paraqitet një test negativ në ditën e shtatë”, shpjegoi në një shënim Ministria e Shëndetësisë.

Dekreti do të hyjë në fuqi për një periudhë fillestare prej 14 ditësh, me mundësi për t’u zgjatur.

Për të frenuar përhapjen e varianteve të reja të COVID-19, Spanja vazhdon të mbajë në fuqi karantinën 10-ditore për udhëtarët nga India, si edhe ka kufizuar fluturimet nga Brazili dhe Afrika e Jugut për qytetarët e saj.