Dhjetëra-mijëra zviceranë, në pamundësi për të marrë vaksinën Covid

Keystone

Dhjetëra-mijëra qytetarë zviceranë po jetojnë në vende ku nuk mund të vaksinohen, sipas një raporti nga transmetuesi publik zviceran SRF, përcjell albinfo.ch.

Kreu i Organizatës së Zvicrës jashtë vendit (OSA) dëshiron që qeveria të sigurojë që qytetarët zviceranë që jetojnë jashtë vendit të mund të kenë akses në vaksinat Covid-19.

Të paktën 78,000 shtetas zviceranë që jetojnë jashtë nuk janë në gjendje të marrin vaksinat Covid-19 në vendin e tyre të banimit, sipas raportit të SRF-së, të hënën.

Qeveria tha se po u jep përparësi banorëve të Zvicrës në fushatën e saj të vaksinimit. Kjo i lë shumë shtetas zviceranë që jetojnë jashtë në një situatë të vështirë, përcjell tutje albinfo.ch.