“Call Center”, arrestohen 6 kosovarë, pritet të ekstradohen në Gjermani

Ilustrim Arlington Research @arlington_research

Sipas mediave gjermane, shteti i tyre pritet të kërkojë ekstradimin e të paktën 6 personave kosovarë, të cilët mashtruan me “call center”, transmeton albinfo.ch.

Kjo pasi në këtë objekt para 10 ditësh Policia e Kosovës, së bashku me atë të shtetit gjerman, morën aksion  për të mbyllur një “Call center” që gjendej aty.

Aksioni u zhvillua në gjithsej 17 lokacione, ku nga ky aksion mbetën të arrestuar 18 persona, të cilët i përkasin moshës 22 deri në 45 vjeç. Ndaj tyre është caktuar masa e paraburgimit prej 1 muajsh.

E nën arsyetimin se qytetarët të mashtruar nga këta ‘’Call Center’’ janë shtetas gjermanë, Prokuroria e Përgjithshme  në Bamberg të Gjermanisë, për një përgjigjeje për T7 tha se kërkon ekstradimin e të paktën 6 personave.

Ndërkohë Prokuroria Gjermane tregoi edhe se çka sekuestruan gjatë këtij aksioni.

Ditë më parë Prokuroria Themelore në Kosova kanë bërë të ditur se janë sekuestruar edhe afro 1.7 milion euro.

Megjithatë, kërkesa që pritet të dërgohet nga Prokuroria Gjermane si legjitime po konsiderohet nga juristët.

Edhe pse thonë se Kosova dhe Gjermania nuk kanë marrëveshje ekstradimi.

E që ky ekstradim të ndodhë duhet që shteti gjerman t’i bëjë kërkesë zyrtare shtetit të Kosovës.

Juristi Anton Nrecaj, thotë se këta persona nëse shpallën fajtor mund të dënohen deri në 10 vjet.

Lidhur me këtë temë T7 ka kërkuar përgjigje edhe nga Prokuroria Speciale e Kosovës , megjithatë nuk ka marrë përgjigje.