Lajme
Evropa goditet nga stuhi të mëdha bore e reshje shiu
Britania, Gjermania, Franca dhe Holanda, ndër shtetet më të goditura
Shumë shtete evropiane janë duke u përballur me mot të lig. Së fundi, stuhia ‘Darcy’ e quajtur në Mbretërinë e Bashkuar edhe si ‘Bisha nga Lindja 2’ ka mbuluar me dëborë pjesën më të madhe të Anglisë Lindore.
Thuhet se stuhia është shkaktuar nga rryma të ftohta ajri, të cilat vijnë nga Rusia dhe Evropa Lindore.
Shumë udhëtime u ndërprenë, ndërsa disa qendra vaksinimi u detyruan të mbyllen.
“Unë duhej të merrja vaksinën pasdite në 4:30 dhe thjesht rrezikova, sepse moti po keqësohej aq shumë saqë u mendova edhe një herë, por megjithatë vazhdova, duhet të shkoja”, u shpreh Alistair Shaw.
Gjermani
Në Gjermani për shkak të motit të keq gjatë 24 orëve të fundit janë shënuar me qindra përplasje automjetesh. Policia bëri me dije se 28 persona mbetën të lënduar në rrugët e mbuluara nga akulli.
Shërbimi meteorologjik u bëri thirrje njerëzve të qëndrojnë në shtëpi dhe autoritetet dërguan njerëzit e pastrehë në strehimoret e ngrohta.
“Erë e fortë dhe dëborë, rrugët janë rrjedhimisht të rrëshqitshme. Autoriteti i mirëmbajtjes së autostradës Schüttorf po bën çmos për të mbajtur disi korsitë të pastra. Sidoqoftë, këshillohet të hiqni dorë nga çdo udhëtim nëse nuk janë absolutisht të nevojshme”, u shpreh Boris Kuest, Oficer i Policisë së Autostradës Lingen.
Francë
Franca, nga ana tjetër, është përfshirë nga reshje të dendura shiu dhe përmbytje.
Qindra banorë që jetojnë pranë lumenjve u është dashur të evakuohen nga shtëpitë e tyre.
Në Paris, niveli i lumit lumi Seine vazhdon të rritet dhe statuja Zouave në Pont de l’Alma është tërësisht e zhytur.
Holandë
Edhe Holanda është goditur nga moti i acartë, duke përjetuar një stuhi të rrezikshme, e cila nuk kishte ndodhur për më shumë se një dekadë,
Qeveria u detyrua të anulonte një takim javor për të diskutuar pandeminë e koronavirusit.
Udhëtimet hekurudhore dhe ajrore pothuajse janë pezulluar dhe zyra holandeze e meteorologjisë ngriti alarmin, duke përfshirë në kodin e kuq të gjithë vendin.
E pavarësisht motit të ftohtë, shumë njerëz zgjedhin ta shijojnë në mënyrën e tyre duke sfiduar temperaturat e ulëta.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Si të mos ‘përplaseni’ nga një tren austriak i mbipopulluar? Trenat austriakë kanë qenë tepër të mbushur me njerëz përpara sezonit të festave, madje edhe njerëzit...
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?