Arilena Ara, pjesë e “Milan Fashion Week”, ndër vajzat më me influencë në botë

Është bërë e ditur se “Milan Fashion Week” këtë vit i është lënë në dorë stilistes së famshme kineze, Sara Wong, dhe ndryshe nga çdo herë tjetër këtë vit vjen në platformat online për shkak të pandemisë së Covid-19, përcjell albinfo.ch.

Nën moton “Për Gratë e Fuqishme”, Sara Wong ka ftuar 8 figurat (vajza dhe gra) ndërkombëtare më me influencë në botë për të interpretuar koleksionin e ri.

Mes 8 vajzave të përzgjedhura nga e gjithë bota, ishte edhe Arilena Ara, e cila ka shkëlqyer, siç bën zakonisht. Këngëtarja e mirënjohur flet për veshjen e saj, teksa duhet ta pranojmë se përzgjedhja e saj për të qenë pjesë e këtij kasti nuk është e rastësishme dhe sigurisht do t’i shërbejë edhe në të ardhmen.

Vlen të cekët se secila prej vajzave rrëfen filozofinë e ‘MAXRIENY BY SARA WONG’ dhe të gjitha të marra së bashku krijojnë një shfaqje të vërtetë mode që u transmetua në gjithë botën dje pasdite.

Në video, vetë krijuesja zbulon shtysat që e çuan atë të krijojë 20 veshje në koleksion, me kulturat e ndryshme dhe periudhat historike që kanë bashkëjetuar gjithmonë në veshjet e saj.

Filozofia e këtij viti e Vogue dhe “Milan Fashion Week” ishte bërja bashkë e karakteristikave të ndryshme mes Lindjes dhe Perëndimit, duke nxjerrë në pah të bukurën mes të dy kulturave.

https://www.youtube.com/watch?v=DtadG4Fpe0s&feature=emb_title