Lajme
Gjenevë: Gjërat që duhet t’i dini për gjetjen e një apartamenti
Gjeneva është një qytet i shtrenjtë, me kosto të lartë jetese.
Prandaj, ju me siguri nuk do të gjeni qira të lira në ndonjë lagje të mirë, megjithëse apartamentet në disa zona kanë çmime më të arsyeshme se në të tjerat.
Nëse keni një buxhet të kufizuar, do të bëni më mirë të shikoni jashtë Gjenevës në kantonin pranë, Vaud, ku qiratë janë pak më të lira. Në fakt, shumë njerëz që punojnë në qytet bëjnë udhëtimin e shkurtër nga komunitetet fqinje të Vaudit çdo ditë, përcjell albinfo.ch.
Për shembull, një qira mesatare mujore për banesë me 3.5 dhoma në Gjenevë, e cila përfshin një dhomë dite, kuzhinë, banjë dhe dy dhoma gjumi, është 2.680 franga – më e larta në Zvicër.
Një apartament me një dhomë gjumi kushton, mesatarisht, 1,734 franga. Sigurisht, pagat e larta mund të kompensojnë kostot e lidhura me qiranë, të paktën në disa raste.
“Si rregull, për pronat në gjendje të mirë duhet të llogaritni një normë bazë prej rreth 300 franga për metër katror, dhe 350 franga nëse gjendja është shumë e mirë”, tha Colin Woolcock nga agjencia e Gjenevës ‘The Local’.
Ky çmim rritet ose zvogëlohet bazuar në pamjen, gjendjen, kohëzgjatjen e kontratës dhe faktorë të tjerë.
Woolcock shtoi se “gjendja e pronës është absolutisht thelbësore në përcaktimin e një çmimi, dhe ndikimi i llojit të ngrohjes gjithashtu luan një rol”.
Gjetja e një apartamenti kërkon durim.
Kushdo që ka kërkuar ndonjëherë një apartament të përballueshëm në Gjenevë, do t’ju tregojë këtë.
Kjo për shkak se kërkesa është e lartë dhe oferta e kufizuar, mund të duhet pak kohë për të gjetur një banesë që ju pëlqen me një çmim që mund ta përballoni.
Shumë apartamente në Gjenevë as nuk renditen në listë; posa dikush do të vihet në dispozicion, lajmi përhapet dhe banesa bëhet e dikujt menjëherë – veçanërisht nëse qiraja është e arsyeshme.
Nëse buxheti juaj është fleksibël dhe shikoni përmes një agjencie, procesi mund të jetë më i lehtë dhe më i shpejtë, përcjell tutje albinfo.ch.
E-Diaspora
-
Integrimi: Hapi i parë, si ta thyejmë izolimin Në kuadër të projekteve të shoqatës “Plurielles”, e cila si qëllim ka informimin dhe sensibilizimin e...
-
Gjuha shqipe në Zvicër, një realitet në rritje, që pret të njihet
-
Marigona do të ngjitet në skenën prestigjioze të operës në Frankfurt
-
Konsulli i Kosovës në Cyrih thirrje bashkatdhetarëve për regjistrim
-
Arbër Rama, “EAZ”, fiton çmimin e parë për hitin zviceran të vitit
Jeta në Austri
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit Kori Siparantum shënoi një moment të pazakontë në historinë muzikore te ne, duke u ngjitur kështu...
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri