Kosova

Behgjet Pacolli do të kandidojë për president

E shtunë, 22 Gusht 2020 - 18:15 albinfo.ch

Lideri i AKR-së, Behgjet Pacolli, po synon rikthimin në postin ku e ushtroi për disa javë vite më parë.

Këshilltari i Pacollit, Naim Murseli, ka thënë se strukturat e AKR-së po ia kërkojnë të shpallë kandidaturën për të parin e shtetit.

Ky është statusi i tij:

Një pjesë e qytetarëve dhe të shoqërisë civile kërkon që z. Behgjet Pacolli të shpallë kandidaturën e tij për President të Kosovës. Kjo gjë po kërkohet tani edhe nga partia, Aleanca Kosova e Re. Gjithmonë duke respektuar mandatin kushtetues të Presidentit aktual. Si ish-President i vendit, z. Pacolli ka dëshmuar se i vendos interesat e vendit para ato të tij. Në rast të marrjes së detyrës, ai do të japë dorëheqje nga pozita e kryetarit të AKR-së.