Kosovë: 140 pacientë me koronavirus në QKUK, 2 në gjendje të rëndë

Katër në Mjekim Intensiv, dy prej tyre në gjendje të rëndë

Aktualisht në Qendrën e Klinikës Universitare të Kosovës janë duke u trajtuar 140 pacientë me COVID-19.

QKUK ka njoftuar se prej tyre 106 raste janë në Klinikën Infektive, ndërsa në Mjekimin Intensiv në këtë klinikë janë katër raste, dy prej tyre në gjendje të rëndë.

Dy pacientë tjerë në Infektivë janë të shëruar nga COVID-i, por po vazhdojnë mjekimin, ndërsa 64 nga pacientët në Infektive janë duke u trajtuar me oksigjenoterapi.

Në Klinikën e Pulmologjisë janë duke u trajtuar 22 pacientë me COVID-19, ndërsa në atë të Mjekësisë Sportive 12 pacientë, prej tyre një i intubuar.

---