Lajme
Zvicër: Rënie e theksuar e ofertave për punë për shkak të pandemisë
Ofertat e reja të punës kanë rënë për më shumë se një çerek në Zvicër për shkak të pandemisë Covid-19 në sektorët e hoteleve, restoranteve dhe shërbimeve të ndryshme.
Mes prillit dhe qershorit ofertat për punë u ulën për 27%, njoftoi të martën firma e burimeve njerëzore Adecco Switzerland. Anna von Ow, një studiuese e Universitetit të Cyrihut, e cila ka punuar në raport, tha se rënia e ofertave të reja është shumë më e keqe sesa në krizat e mëparshme, përfshirë krizën financiare 2008-2009, kur ndikimi ishte më pak i papritur, përcjell albinfo.ch
“Praktikisht të gjitha fushat e jetës shoqërore, ekonomike dhe kulturore pushuan së funksionuari brenda natës”, tha ajo. Megjithëse të gjithë sektorët janë ndikuar, sektorët e hotelerisë, restoranteve janë goditur më keq; ata kanë një rënie prej 39%. Biznesi, shitjet, administrata u goditën gjithashtu (-35%), me gjithë mundësitë e krijuara nga punët e telekomunikacionit.
Shkencat natyrore, ndërtimi dhe mirëmbajtja u prekën më pak (-18%). Gjeografikisht, rajonet përreth Liqenit të Gjenevës, si dhe kantonet e Fribourg, Neuchâtel, Jura dhe Bernë u goditën më së shumti, ndërsa Zvicra Lindore u mbajt më mirë, njoftoi Adecco.
Ndërkohë, Sekretariati Shtetëror për Çështje Ekonomike (SECO) vlerëson se niveli mesatar i papunësisë në vitin 2020 do të rritet në 3.8%.
Situata e përgjithshme ekonomike gjithashtu ka qenë subjekt i parashikimeve; analiza e fundit, e botuar të martën nga instituti ekonomik KOF, llogarit se prodhimi ekonomik mund të bjerë me 5% në vitin 2020. Investimet e huaja gjithashtu kanë pësuar ulje, përcjell tutje albinfo.ch.
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta