Zbrazen sheshet e njohura të Italisë

Virusi ka prekur edhe turizmin në Itali, ndërsa pasojat do të ndihen edhe në ekonomi dhe fushat tjera

Gjendja në Itali vazhdon të jetë e rëndë për shkak të virusit Korona.

Veriu i Italisë është në një gjendje më të rëndë, duke përfshirë Lombarinë, ku ndodhet edhe qyteti i modës, Milano, përcjell albinfo.ch.

Sheshet italiane që zakonisht janë të mbushur me turistë janë zbrazur ditët e fundit mes frikës së përhapjes së koronavirusit vdekjeprurës.

Numri i turistëve në disa nga destinacionet më të njohura të vendit është zvogëluar, ndërsa numri i vdekjeve është rritur.

Rritja e numrit të vdekjeve e çon numrin në total në 233, niveli më i lartë i vdekjeve jashtë Kinës, duke bërë që qeveria të punësojë mjekë në pension për të luftuar krizën.

Italia ka parë shpërthimin më të madh të koronavirusit në Evropë me mbi 5.883 persona të prekur.

Kryeministri italian Giuseppe Conte ka vendosur rreth 16 milionë qytetarë në veri të vendit nën “karantinë” duke mos lejuar hyrjet dhe daljet.

---