Integrimi
Ansambli “Vatra” me koncert në shënim të 28 Nëntorit, Ditës së Flamurit
Muaji nëntor është muaji me emblematik tek i cili kujtojmë datat më të shquara të krenarisë kombëtare. Me rastin e 28 Nëntorit, Ditës së Flamurit, Ansambli “Vatra” në Cyrih organizoni program artistik, me këngë e valle, poezi si dhe pjesë teatrale.
Manifestimi u mbajt në Schlieren të Cyrihut dhe të ftuar ishin shumë miq, mysafirë dhe figura nga sfera të ndryshme të jetës, shkruan albinfo.ch.
Programi i manifestimit ishte mjaft i pasur. Të pranishmit patën rastin të shohin në skenë artistë, aktorë dhe valltarë që shpalosën artin e tyre.
Në fjalën përshëndetëse para të pranishmeve, Shaban Haliti, anëtar i kryesisë së ansamblit “Vatra” tha se kjo festë na bënë emocional sa here që vjen, krenaria e shqiptarëve sillet rreth kësaj feste dhe flamurit kombëtar. Kombi shqiptar rriti trima e trimëresha të cilët nuk kursyen as jetën për të mbajtur gjallë kombin dhe flamurin kombëtar. Ai në fund uroi që shekujt e ardhshëm kombin shqiptar, mos ta përballin me vuajtjet të cilat i përjetuam në shekujt e kaluar, përcjell albinfo.ch.
Një fjalë rasti pati edhe udhëheqës i Konsullatës së Republikës së Kosovës në Cyrih, Sami Kastrati i cili duke uruar festen e flamurit, tha se „Dëshiroj që ju të mbani gjallë frymën dhe vlerat tona kulturore në shtetin ku sot jetoni”. Kastrati shtoi se, kombi shqiptar sot është më i fuqishëm si asnjëherë më parë. Kjo na bënë të ndihemi krenarë me të dy shtete shqiptare, me Shqipërinë në NATO, me Shqipërinë drejt Bashkimit Evropian si dhe Kosovën po ashtu me hapa të rëndësishme në këtë drejtim.
Në skenë u ngjitën valltarë e valltare të shumtë të cilët krijuan një atmosferë vërtetë të këndshme, duke shfaqur vlerat e kulturës sonë kombëtare. Të pranishmit i emocionoi edhe aktori i njohur Çun Lajqi, i cili u paraqit me një prej poezive të tij. „Ne ishim ilir, dardan, alban” i cili ngjalli emocione të shumta në mesin e të pranishmëve. Pjesë e programit ishte edhe aktorët me pjesë teatrale nga grupi „Studio Aktrimi“.
Kishte edhe këngë nga këngëtarët Gjon Ukaj, Berat Shala. Pjesë e manifestimit ishte edhe kolegji “Mehmet Akif”, nga Kosova.
Foto: Armend Berisha
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?