Në Cyrih mjëra protestues kundër sulmeve turke në Siri

KEYSTONE/Ennio Leanza

Disa mijëra protestues demonstruan në Cyrih kundër sulmit turk në veri të Sirisë. Gjithashtu disa qindra protestuan edhe në Bellinzona në jug të Zvicrës. E gjithë kjo erdhi për shkak të sulmeve të fundit turke kundër Sirisë. Kjo ngjarje ka ngjallur reagime të shumta nga e gjithë bota duke kritikuar politiken turke kundër veprimeve të tyre në Siri.

Edhe në Zvicër kjo ngjarje u bë jehonë duke protestuar në shumë qytete të Zvicrës, për të kërkuar drejtësi.

Pjesëmarrësit kënduan britma si “ushtria turke jashtë Kurdistan”, “Erdogan, terrorist” dhe “Stop terrorin”, etj. Sipas policisë së qytetit të Cyrihut nuk pati asnjë incident nga këto protesta, raporton gazeta zvicerane “Swissinfo.ch”.

Po ashtu portesta pati edhe në Bern dhe Gjenevë ku u mblodhën mbi 1.250 protestues.

Protestuesit kërkuan që Zvicra të veprojë duke vendosur sanksione ekonomike dhe diplomatike kundër Turqisë.

Kujtojmë se ministri i jashtëm zviceran Ignazio Cassis ka kritikuar operacionin ushtarak turk në veri të Sirisë, duke e cilësuar atë një shkelje flagrante të ligjit ndërkombëtar. Ministria e tij kishte lëshuar më herët një lidhje të jashtme, duke thënë se çdo përshkallëzim i mëtejshëm i dhunës në verilindje të Sirisë “do të kishte pasoja të rënda për popullatën tashmë të vuajtur”.

Luftimet e ashpra u raportuan të Shtunën ndërsa forcat turke filluan një sulm tjetër në qytetin kryesor të kufirit kurd Ras Al-Ain.

Thuhet se më shumë se 100,000 njerëz kanë ikur nga shtëpitë e tyre që nga fillimi i ofensivës, sipas KB, e cila paralajmëron për katastrofë humanitare.

Një shqetësim i madh për bashkësinë ndërkombëtare është gjithashtu fati i mijëra të burgosurve të dyshuar të Shtetit Islamik, përfshirë shumë shtetas të huaj, të ruajtur nga forcat e udhëhequra nga kurdët në rajon.

Nga ana tjetër, presidenti i Turqisë Erdogan ka thënë se dëshiron të krijojë një “zonë të sigurt” në veri të Sirisë pa policët kurde të cilat Turqia i sheh si terroriste. Erdogani thotë se zona mund të jetë gjithashtu shtëpi e më shumë se 3 milion refugjatë sirianë aktualisht në Turqi, përcjell albinfo.ch.