Dyseldorf: Themelohet Shoqata e Gruas shqiptare “Dora d’Istria”

Nё Dyseldorf tё Gjermanisё, është formuar shoqata e gruas “Dora d’Istria”, me hapje solemne tё themelimit të saj.

Lindita Hoti Kryeziu, është kryetarja e kёsaj shoqate, e cila e ka shpalosur programin e shoqatёs.

Integrimin e gruas shqiptare nё shoqёrinё gjermane, hulumtimin dhe njohjen pёr sё afёrmi me brengat dhe problemet e grave dhe vajzave nё mёrgatё ishtin pikat kryesore të kësaj shoqate.

Gjithashtu kjo shoqatë ka për synim mbёshtetjen pёrmes kёshillave sociale, siç ёshtё ajo e aplikimeve pёr vende tё punёs, trajnimet rreth dokumenteve aplikuese si dhe konsultat psikologjike – pavarёsisht grupmoshave.

“Projektet tjera qё dёshirojmё t’i bashkёdyzojmё, janё ai i integrimit dhe projekti i mosasimilimit. Gjithashtu planifikojmё bashkёpunimin e ndersjellё me bashkekombasit tanё nё atdhe dhe krijimin e fondeve humanitare”, ёshtё shprehur Kryeziu, transmeton KultPlus.

Po ashtu shoqata synon qё me ardhjen e migranteve tё reja, t’ua lehtёsoje jetёn atyre por edhe banuesve nё Gjemani. “Kёtё dёshirojmё ta bёjmё pёrmes orientimit, kёshillimit dhe integrimit”, ka thёnё kryetarja e Shoqatёs “Dora d’ Istria”, Lindita Kryeziu, transmeton Kult plus, përcjell albinfo.ch