Shqipëria
Hapet ekspozita me foto të çuditshme në Shkodër
Në këtë ekspozitë u publikuan 40 fotografi që datojnë mes viteve 1878-1989
Në Shtëpinë Muze të Pashko Vasës në Shkodër u hap në mbrëmjen e kësaj fundjave ekspozita “Shkodra – familja, kultura, historia ime”.
Për herë të parë në këtë ekspozitë u publikuan 40 fotografi që datojnë mes viteve 1878-1989.
Fotografi të tilla si banda e parë frymore (1878), shfaqja e parë në gjuhën shqipe e tragjedisë “Jul Çezari” të Shakespeare në vitin 1920 nga Shkolla Jezuite etj., dëshmojnë se disa prej ngjarjeve më të rëndësishme kulturore të Shqipërisë janë zhvilluar në Shkodër, shkruan albinfo.ch.
Nga ana tjetër, kontrasti i madh mes periudhave të para dhe pas Luftës së Dytë Botërore (LDB) shpërfaqet në dimensionet e tij më ekstreme në këtë ekspozitë. Krahas fillesave artistike të elitës së muzikës shqiptare, si Prenk Jakova, Ramadan Sokoli etj., në ekspozitë u prezantuan edhe fotografitë e artistëve amatorë të ndërrmarrjeve dhe kooperativave bujqësore të kohës së realizmit socialist.
Një nga fotot më interesante në këtë ekspozitë është ajo e një pllakati të madh reklamues të teatrit “Migjeni” të dhjetorit 1965, ku shkruhet se teatri ofron shfaqje për gratë në orarin e drekës (15:30). Kjo fotografi ka rëndësi për të kuptuar mënyrat dhe mjetet e përdorura për të futur në teatër gratë e një shoqërie ende patriarkale.
Nga ana tjetër, ekspozita synon të mbajë të freskët kujtesën kolektive, përmes orientimit të vëmendjes te vlerat e certifikuara të artit shqiptar, si Palokë Kurti, Çesk Zadeja, Serafin Fanko etj., krejt të panjohur nga brezi i 20-30 vjeçarëve të sotëm.
Me këto prurje origjinale dhe vëmendje maksimale të publikut, ekspozita fotografike “Shkodra – familja, kultura, historia ime” kulmoi aktivitetet në kuadër të Ditëve Europiane të Trashëgimisë Kulturore në Shkodër.
Të ngjashme
Të tjera nga Shqipëria
E-Diaspora
-
Medina Jusufi Berisha, punon në profesionin që kishte ëndërruar si fëmijë Medina Jusufi Berisha është stjuardesa më e re në kompaninë ajrore zvicerane CHAIR. Ajo është lindur...
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?