Kosova
Sa shpenzoi ministri që e quajti të trilluar masakrën e Reçakut
Për një vit e gjysmë, nga buxheti i Kosovës ka arkëtuar 32.600 euro si pagë njeriu që e quajti të trilluar masakrën e Reçakut
Për një vit e gjysmë, nga buxheti i Kosovës ka arkëtuar 32.600 euro si pagë njeriu që e quajti të trilluar masakrën e Reçakut. Gjatë së njëjtës periudhë, edhe dhjetëra e mijëra euro të tjera ka bërë shpenzime Ivan Todosijeviq, i cili ishte në krye të Ministrisë së Administrimit të Pushtetit Lokal (MAPL) nga shtatori i vitit 2017, kur ishte konstituuar Qeveria e Ramush Haradinajt, e deri në prillin e sivjetmë, kur shkaku i deklaratës ishte shkarkuar.
Në 20-vjetorin e bombardimeve të NATO-s kundër forcave të Serbisë që ushtronin krime në Kosovë, Todosijeviq kishte thënë se shkak për atë që e quante agresion ka qenë “e ashtuquajtura katastrofë humanitare në territorin e Kosovës, një Reçak i imagjinuar”, shkruan sot ‘Koha Ditore’.
Sipas këtij ish-ministri, që i përket Listës Serbe, i cili ishte në koalicion, ndonëse nuk e njeh pavarësinë e Kosovës, masakra “ka qenë pikërisht shpikje e shqiptarëve terroristë”. Pati dhënë këtë cilësim, ani se dëshmitar i masakrës ishte bërë edhe William Walker, njeriu që e drejtonte një mision vëzhgues ndërkombëtar, dhe që tha të ketë parë në Reçak krim kundër njerëzimit.
E gjithë fatura e shpenzimeve të Todosijeviqit për një periudhë prej 19 muajve sa e ka drejtuar MAPL-në kap shumën 56.828.20 euro, pa përfshirë këtu edhe celularin në vlerë 1.199.95 euro, që nuk e kishte marrë me vete kur ishte larguar nga Ministria.
Ndërkaq, i gjithë stafi politik i MAPL-së, prej kur Qeveria Haradinaj e ka marrë mandatin e deri në gushtin e sivjetmë, kur është shpërndarë Kuvendi, ka shpenzuar 333.474.08 euro, shkruan ‘Koha Ditore’, përcjell Albinfo.ch.
Të ngjashme
Të tjera nga Kosova
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë