Berlin: Hyn në trotuar me “Porsche”, 4 veta humbin jetën

Nga kjo përplasje kanë gjetur vdekjen katër persona, mes të cilëve edhe një foshnjë

Sonte, pak pas orës 19 në Berlin ka ndodhur një aksident i rëndë. Një makinë sportive e tipit Porsche ka hyrë me shpejtësi nga rruga në trotuar duke goditur me këtë rast një numër këmbësorësh.

Siç ka konfirmuar një zëdhënës i zjarrfikësve për gazetën “Berliner Morgenpost”, nga kjo përplasje kanë gjetur vdekjen katër persona, mes të cilëve edhe një foshnjë.

Ngarësi i makinës dhe shoqëruesi i tij kanë pësuar lëndime. Ata janë trajtuar në vendin eaksidentit, nga ekipet shpëtimtare të Zjarrfikësve të Berlinit, transmeton albinfo.ch.

25 pjesëtarë të njësive të shpëtimit ndodheshin në vendin e ngjarjes në momentin kur po raportonte gazeta në fjalë.

Rrjedha e saktë e aksidentit ende është e paqartë, shkruajnë mediat gjermane

---