Migracioni, problemi numër 1 i zviceranëve

Migracioni, azili dhe gjithçka që lidhet me të huajt, është problemi me të cilin zviceranët mendojnë se politika e vendit të tyre duhet të merret me prioritet

Ndër pyetjet që ka shtruar sondazhi i realizuar nga instituti për hulumtimin e opinionit gfs.bern, rezultatet e të cilit janë publikuar të premten, ka qenë edhe ajo se cili është problemi më akut politik i Zvicrës, aktualisht.

Migracioni, azili dhe gjithçka që lidhet me të huajt, është problemi me të cilin zviceranët mendojnë se politika e vendit të tyre duhet të merret me prioritet. Kjo temë është larg më alarmante se të gjitha të tjerat, ka nxjerrë në pah sondazhi.

Pas problemit të të huajve, në vendin e dytë për nga mprehtesia vjen problemi i shëndetësisë, ai i papunësisë, sigurimit të pleqërisë dhe siguria sociale, shkruan srf.ch. Por dukeshëm më pak brengosen zviceranët për temat si mbrojtja e ambientit, çështja e Evropës, arsimimi dhe tatimet.

Për problemet që kanë të bëjnë me të huajt, shumica e të anketuarve (41) zgjidhjen do t`ia besonin SVP/UDC-së ndërsa për problemet me shëndetësi e çështje sociale, SP/PS-së

Sondazhi është realizuar në periudhën nga 15 deri 25 shtatori dhe në të kanë marrë pjesë 2000 persona me të drejtë vote. 862 prej tyre po ashtu kanë deklaruar edhe partinë të cilës do t`ia jipnin votën